Asi francez i PSG-së, Kylian Mbappe raportohet se është gjithnjë e më afër gjigantit spanjoll, Real Madrid.
‘Telenovela’ Real-Mbappe duket se po shkon drejt fundit. Reprezentuesi francez sipas medieve të huaja, gjatë kësaj verë, do t’i bashkohet ‘Galatikëve’.
Francezi tashmë e ka bërë të qartë se nuk do të vazhdojë kontratën me PSG-në përtej verës së vitit 2024.
Mirëpo, siç raportohet, PSG thuhet se ka rënë dakord të shesë Mbappe te Real Madrid për çmimin 250 milionë euro.
“Los Blancos thuhet se do të paguajnë një tarifë fikse prej 200 milionë euro, plus 50 milionë euro bonuse.
Nëse do të realizohet ky transferim, atëherë Mbappe do të bëhet transferimi më i shtrenjtë në historinë e futbollit, duke tejkaluar Neymarin, i cili në vitin 2017 ishte transferuar tek PSG-ja për çmimin 222 milionë euro.
