Kryeministri I Shqipërisë Edi Rama iu është bashkuar sot urimeve në kuadër të ditës së shenjtë të Kosovës, atë të çlirimit të saj, që ndodhi para 24 vitesh pas ndërhyrjes së forcave të NATO-s.
Por urimi i kryeministrit shqiptar nuk është i zakonshëm.
Edhe në këtë ditë të veçantë Rama ka zgjedhur të merret e të bëj politikë në kurriz të Kosovës, duke kërkuar nga krerët e saj që të gjejnë një zgjidhje politike për veriun.
Rama ka vënë theksin se pa aleatët nuk do kishte sot as Republikë të Kosovës dhe as liri e demokraci për shqiptarët, për rrjedhojë shton se vendi duhet të dalë nga ky qorrsokak me dialog dhe jo polici.
“Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë!
Prandaj bash sot është dita për të reflektuar thellë e për ta nxjerrë Kosovën nga qorrsokaku ku e ka futur grindja absurde me aleatët! Kosova duhet të dalë patjetër prej qorrsokakut me dialog jo me policë, me ide konkrete jo me propagandë, me miq të mirë jo me keqtrajtim të miqve”, shkruan Rama.
Prandaj bash sot është dita për të reflektuar thellë e për ta nxjerrë Kosovën nga qorrsokaku ku e ka futur grindja absurde me aleatët! Kosova duhet të dalë patjetër prej qorrsokakut me dialog jo me policë,me ide konkrete jo me propagandë, me miq të mirë jo me keqtrajtim të miqve!
— Edi Rama (@ediramaal) June 12, 2023
Kujtojmë se ditë më parë pa ia kërkuar askush, Edi Rama bëri të ditur se ka angazhuar njerëz që të hartojnë një draft- status për Asociacionin e komunave me shumicë serbe.
Kjo iniciativë e Ramës është konsideruar si ndërhyrje në punët e brendshme dhe që mund ta dëmtojnë pozicionin e Kosovës në procesin dialogues që po mban me Serbinë në Bruksel.
