Tifozët e Milanit e bënë Zlatan Ibrahimovicin të lotoj përpara ndeshjes së kuqezinjve në Serinë A kundër Hellas Veronas.
41-vjeçari do të largohet nga klubi në fund të kontratës së tij në qershor.
Ai po lufton me lëndime këtë sezon, duke shënuar një gol në katër paraqitje.
Sulmuesi suedez është ende i lënduar, kështu që nuk do të ketë mundësi t’u japë lamtumirën tifozëve të Milanit në fushë.
Tifozët e Milanit e përlotën sulmuesin legjendar përpara fillimit të ndeshjes me një mesazh në Curva Sud që shkruhej: ‘Zot’.
I gjithë stadiumi po thërriste ‘Ibrahimovic, Ibrahimovic’ dhe 41-vjeçari nuk mundi t’i ndalonte lotët.
