Ministri i Mjedisit, Planifikimit Hapësinor dhe Infrastrukturës, Liburn Aliu, bashkë me Kryeministrin Albin Kurti dhe me kolegë e bashkëpunëtorë, kanë vizituar punimet në segmentin e rrugës Plavë-Sharr, rrugëve që tashmë kanë marrë një dinamikë të re të zhvillimit të punimeve.
Ministri Aliu tha se realizimi i punimeve deri më tani ka përfunduar rreth 70%, dhe pritet që të jetë plotësisht e hapur dhe e aksesueshme për të gjithë drejtuesit e automjeteve deri në vitin e ardhshëm.
“Kjo rrugë është e ndarë në dy Lote, Lot 1: Zhur – Dragash dhe Lot 2: Dragash – Brod, me vlerë të përgjithshme prej: 7,731,053.31 EUR.
Shpronësimi i pronave solli vonesa në ecurinë e këtij projekti, por po angazhohemi që të përfundojmë të gjitha procedurat e shpronësimeve në mënyrë që puna mos të ndalet deri në përfundimin e rrugës”, shkroi ai.
