Disa banorë të fshatrave Nikaj, Rekë, Biçec, Dubrave e Doganaj të komunës së Kaçanikut ditëve të fundit ka pasur probleme shëndetësore si pasojë e përdorimit të ujit të pijes dhe për këtë shkak ata kanë kërkuar ndihmë mjekësore.
QKMF “Dëshmoret e Lirisë” në Kaçanik, apelon qytetarët që të vlojnë ujin para përdorimit, pasi ditëve të fundit kanë pranuar shumë pacientë me simptoma që shkaktohen nga uji i ndotur.
Bëhet fjalë për qytetarët e zonave Nikaj, Rekë, Biçec, Dubravë dje Doganaj.
Sipas një njoftimi të QKMF-së, gjatë këtyre 2 ditëve ka pasë raste të shumta të pacientëve me simptome të vjelljes, temperaturës, barkqitjes, mundimit dhe plogështisë.
QKMF thekson se situata është në kontroll dhe shumica e pacientëve janë në gjendje të mirë shëndetësore.
Gjithashtu njoftohet se për këtë rast është në dijeni edhe Instituti Kombëtar i Shëndetësisë Publike të Kosovës në Ferizaj, me ç’rast ata kanë marrë mostrat e ujit për analiza kimike dhe bakteriologjike.
https://www.facebook.com/drsinanzeneli/posts/pfbid033ejxvuHPZ37XfQReMCwN6HiycYH93tibEUSFwdAXuAAww5ajDKMMGpdrKnbg23bPl
