Kryeministri i Kosovës, Albin Kurti, ka deklaruar se situata në veri duhet të qetësohet dhe të zbatohet Marrëveshja Bazike e 27 shkurtit e arritur në Bruksel.
Ai njoftoi se ka biseduar me ministrin e Jashtëm të Italisë, Antonio Tajani, me të cilin tha se u pajtuan për këto dy tema.
“Pata një bisedë telefonike me ministrin e Italisë, Antonio Tajani gjatë ditës sot. Të dy u dakorduam që është koha të zbatohet Marrëveshja Bazike dhe të qetësohet situata në veri”, shkroi Kurti në Twitter.
Had a phone conversation with the Italian DPM&MFA @Antonio_Tajani earlier today. We both agreed that the current time calls for the implementation of the Basic Agreement and the situation in the north to be calmed down.
— Albin Kurti (@albinkurti) May 29, 2023
Ambasadori i Shteteve të Bashkuara të Amerikës, Jeffrey Hovenier, është takuar të hënën me presidenten Vjosa Osmani, për të biseduar mbi gjendjen e krijuar në veri. Ai u shpreh pas takimit se situata është thellësisht shqetësuese.
Ndërkohë protesta nga serbët në Zveçan po vazhdon edhe më tej.
Reporteri i KosovaNews njofton për një situatë të tensionuar në Zveçan, ku grupe të serbëve – mes tyre disa edhe me maska e kapele – qëndrojnë të tubuar para ndërtesës së komunës.
Madje ata kanë sulmuar sërish ekipet e gazetarëve.
