Një automjet është përfshirë nga zjarri pasditen e sotme në Llogara. Policia shqiptare njofton se ngjarja ka ndodhur rreth orës 17:15.
Automjeti i drejtuar nga një qytetar i Prishtinës, ka marrë flakë derisa ishte duke lëvizur.
Dyshohet se zjarri ka ardhur si pasojë e një defekti teknik.
Nga pamjet shihet teksa zjarri ka djegur thuajse totalisht automjetin.
Njoftimi i policisë shqiptare:
Vlorë/Informacion paraprak
Sot, rreth orës 17:15, në Llogara, një automjet me drejtues shtetasin K. D, banues në Prishtinë, ka marrë flakë, në ecje, dyshohet aksidentalisht si pasojë e një defekti teknik, ku ka vetëm dëme materiale.
Grupi hetimor ndodhet në vendngjarje dhe po punon për zbardhjen e plotë të ngjarjes./io/
