Kuvendi i Kosovës ka dështuar që ta miratojë Projektligjin për shëndetin riprodhues dhe fertilizimin e asistuar mjekësor. Projektligji është hedhur në votim dy herë, por edhe pse ka pasur kuorum në sallë, herën e parë në votim kanë marr pjesë vetëm 57 deputetë, ndërsa herën e dytë 59.
Në votimin e këtij Projektligji nuk kanë marr pjesë deputetët e partisë në pushtet Drita Millaku, Eman Rrahmani, Burim Meta, Duda Balje e Bahrim Shabani, kundër kanë votuar Fitim Haziri, Ekrem Mustafa e Fidan Jilta, ndërsa ka abstenuar Labinotë Demi Murtezi.
Gjithashtu ka dështuar edhe miratimi i Projektligjit për ndryshimin dhe plotësimin e Ligjit për minierat dhe mineralet.
Ndërkohë që Shqyrtimi i propozim-rezolutës për gjendjen në Ministrinë e Industrisë, Ndërmarrësisë dhe Tregtisë është shtyrë për të enjten.
