Kryetari i Komunës së Prishtinës, Përparim Rama, sot ka pritur një mysafirë special.
I pari i kryeqytetit e ka pritur boksierin e njohur kosovar me famë botërore, Haxhi Krasniqin.
Krasniqi më 5 gusht do t’ua plotësojë dëshirat dhe ëndrrat krejt tifozëve për të boksuar në kryeqytetin e Kosovës.
Rama përmes llogarisë së tij në Facebook, ka thënë se stadiumi ‘Fadil Vokrri’ do të mbushet me adrenalinën e një eventi historik të një nate të paharrueshme boksi profesional ndërkombëtar.
Ai është i bindur së ajo mbrëmje do të jetë spektakolare dhe së stadiumi i kryeqytetit do të mbushet me shikues.
“Robin Krasniqi vjen për herë të parë në stadiumin e kryeqytetit!
Mbrëmje historike boksi. Më datë 5 gusht, stadiumi ‘Fadil Vokrri’ do të mbushet me adrenalinën e një eventi historik të një nate të paharrueshme boksi profesional ndërkombëtar. Përgatituni për një spektakël të jashtëzakonshëm”, ka shkruar Rama.
