Zëvendëskryeministri i Kosovës Besnik Bislimi, ka publikuar një grafikë ku sipas tij, Banka Evropiane për Rindërtim dhe Zhvillim (BERZH) e ka gjetur Kosovën si vendin me rritjen ekonomike më të lartë në rajon.
Kjo statistikë siç thotë Bislimi, vlen për vitin 2022. Ai shton se BERZH parashikon që ky trend të vazhdojë edhe në të ardhmen e afërt.
“Së fundmi, BERZH e gjeti Kosovën si vendin me rritjen ekonomike më të lartë në rajon për vitin 2023. Ajo parashikon që ky trend të vazhdojë edhe në të ardhmen e afërt”, ka shkruar Bislimi në Twitter.
“Banka Botërore dhe FMN e kanë vlerësuar gjithashtu vendin tonë për rritjen ekonomike dhe trendin pozitiv”, shtoi ai.
Recently, the EBRD found Kosova as the country with the highest economic growth in the region for 2023. It predicts that this trend will continue in the near future. The World Bank & the IMF have also evaluated our country for its economic growth and positive trend. pic.twitter.com/A9R4IOy1SS
— Besnik Bislimi (@BislimiBesnik) May 18, 2023
Sipas Bislimit, këto rezultate nuk janë të rastësishme, teksa foli edhe për qëllimin e Qeverisë Kurti.
“Trajektorja në të cilën e kemi drejtuar vendin është ajo e duhura, ku do të shohim përfitimet në vitet në vijim. Qëllimi ynë është që kjo rritje të jetë e qëndrueshme. Të zvogëlohen pabarazitë dhe të ketë shpërndarje të barabartë për të gjithë qytetarët”.
These results are not casual. The trajectory in which we have directed the country is the right one, where we will see the benefits in the coming years. Our goal is for this growth to be sustainable. To reduce inequalities and have equal distribution for all citizens.
— Besnik Bislimi (@BislimiBesnik) May 18, 2023
Kosova është bë anëtare e BERZH-it në dhjetor të vitit 2012, Ky institucion është në Kosovë që nga viti 1999 duke nënshkruar për vite me radhë mbi 30 projekte në vlerë dhjetëra milionëshe.
