Agjencia Kombëtare e Inteligjencës së Turqisë (MIT) përmes një operacioni në veri të Sirisë ka neutralizuar terroristin Haydar Demirel, të ashtuquajturin përgjegjësin e përgjithshëm të organizatës terroriste PKK/YPG për rajonin Hol.
Sipas informacioneve të marra nga burimet e sigurisë, terroristi Haydar Demirel me emrin e koduar “Bager Türk” u përcaktua se ndodhej në rajonin Tal Tamis në veri të Sirisë si i ashtuquajtur përgjegjës i përgjithshëm për rajonin Hol.
Demirel, i cili ndodhej në ndjekjen e MIT që nga viti 2000 e deri tani ku ai kryente funksionin si ashtuquajturi përgjegjës i përgjithshëm për rajonin Al-Hasakah, u neutralizua teksa po u jepte trajnim anëtarëve të PKK/YPG-së.
– Përgjegjës i sulmeve ndaj bazave
Gjatë viteve 1997-2000 kur ka zhvilluar aktivitete terroriste në Amanoslar në qytetin Hatay mësohet se Demirel ka kryer aktet kundër Komandës së Xhandarmërisë në rajonin Hassa dhe Komanndës së Xhandarmërisë në rajonin Dörtyol. Po ashtu është përcaktuar se ai ka marrë pjesë edhe në dy akte terroriste të ndryshme në rajonin Shemdinli në qytetin Hakkari në vitin 2010.
Gjithashtu është autor i aktit të minimit ku si pasojë ranë dëshmorë 3 ushtarë dhe u plagosën 3 të tjerë në bazat Şemdinli, Derecik, Olcaytepe në periudhën 8-9 mars 2010. Terroristi Demirel është identifikuar edhe si përgjegjës i terroristëve në sulmin e kryer më 5 korrik 2010 në bazën e Komandës së stacionit të Xhandarmërisë Şemdinli Beyyurdu në qytetin Hakkari.
Demirel iu bashkua organizatës në vitin 1993 dhe gjatë viteve 1993-1994 ai u trajnua nga kreu i PKK-së Abdullah Öcalan dhe ka marrë pjesë në akte të ndryshme terroriste. Në vitin 2000 ai ka kryer funksionin e të ashtuquajturit përgjegjës në Kandil në Irak, në vitin 2013 në Zap në veri të Irakut dhe në vitin 2014 ka kaluar në Siri.
