Policia e Kosovës ka njoftuar se njësia e Doganës ka konfiskuar një sasi të konsiderueshme të duhanit të papërpunuar e të përpunuar në një shtëpi në fshatin Lubishtë të Vitisë. Rasti që ka ndodhur të hënën, po trajtohet si kontrabandë me mallra.
“Me urdhër të gjykatës është kontrolluar shtëpia e të dyshuarit kosovar ku janë gjetur: 205.9 kg. duhan i papërpunuar, 12 qese plastike me duhan të përpunuar ose 130.9 kg., 24 paketa me duhan të grirë, 28 qese me duhan aromatik dhe disa ambalazhe për paketim të duhanit të cilat i ka konfiskuar njësia e Doganës”, thuhet në raportin e Policisë. Në konsultim me prokurorin rasti thuhet se shkon në procedurë të rregullt.
