Superliga e Kosovës në futboll, vazhdon sot me tri ndeshjet e fundit të javës së 33-të.
Padyshim se kryesfida luhet në Gjilan, ndërmjet Dritës dhe Ballkanit, ndeshje kjo që mund të jetë përcaktuese për titull të kampionit.
Gjilanasit kryesojnë tabelën me 66 pikë, tri më shumë së Ballkani që është e dyta kur kanë mbetur edhe katër ndeshje deri në fund të këtij sezoni.
Sfida tejet e rëndësishme luhet edhe në ‘Fadil Vokrri’, ku përballen rivalët e vjetër, Prishtina dhe Gjilani. Prishtinasit dhe gjilanasit janë në garë për pozitën e tretë e cila çon në Evropë.
Sfidë shumë interesante pritet të zhvillohet edhe në ‘Zahir Pajaziti’ mes Llapit dhe Ferizajt.
Vendasit kërkojnë pikët për të mbetur në garë për Evropën, derisa mysafirët kërkojnë pikët për mbijetesën.
Superliga /Java e 33-të
Sot takohen:
Drita-Ballkani
Prishtina-Gjilani
Llapi-Ferizaj
Të gjitha ndeshjet fillojnë në orën 15:00 dhe transmetohen në Radio Kosova.
