Jakub Bielamowicz, analist i Evropës Juglindore dhe Ballkanit Perëndimor në Institutin e Evropës së Re, tha se nuk pret që zyrtarët e BE-së ta kuptojnë, por vendim i kryeministrit të Kosovës, Albin Kurti për shkarkimin nga detyra të 4 anëtarëve të Ekipin Menaxhues për themelimin e Asociacionit, është i duhuri.
“Nuk pres që zyrtarët e BE-së ta kuptojnë, por vendimi i Albin Kurtit, ishte në fakt i vetmi i duhuri për ta mbajtur gjallë këtë proces pasi drafti i paraqitur nga Ekipi i Menaxhues bëri një tallje të plotë me BE-në dhe dialogun e saj”, ka shkruar ai në Twitter.
I don’t expect EU officials to realise it, but the decision by @AlbinKurti was actually the only right one to keep this process alive as the ASM draft put forward by the Mgmt Team, led by MP Vucicevic (who defected from ?? to ??), made a complete mockery of the EU & its dialogue. https://t.co/V23K0lXeE4
— Jakub Bielamowicz (@KubaBielamowicz) May 4, 2023
Ndyshe Ministri i Administrimit të Pushtetit lokal, Elbert Krasniqi, ditë më parë ka shkarkuar nga detyra Ekipin Menaxhues për hartimin e draftstatutit për Asociacionin e Komunave më shumicë serbe në Kosovë.
Ai theksoi se pas prezantimit të draftstatutit në takimin e së martës në Bruksel, ky ekip tashmë është pa status.
Një ditë më parë ka reaguar Presidenca dhe Qeveria e Kosovës lidhur me deklaratat e bëra nga zyrtarë të Bashkimit Evropian pas shkarkimit të Ekipit menaxhues për hartimin e draft-statutit të Asociacionit të komunave me shumicë serbe.
Pasi ditë më parë, Qeveria e Kosovës shkarkoi Ekipin menaxhues reagoi BE duke thënë se lirimi nga detyra i Ekipit Menaxhues për statutin e Asociacionit është në kundërshtim me marrëveshjen për dialogun.
E pas deklaratës së zëdhënësit të BE-së, Peter Stano të enjten kanë reaguar nga Presidenca dhe Qeveria, ndërkaq sot reagoi edhe shefja e Grupit parlamentar të Lëvizjes Vetëvendosje, Mimoza Kusari-Lila.
