Deputetja e LVV-së, Jeta Statovci ka thënë se ish ministri e ish kryeministri Avdullah Hoti, e ka pas merak gjithmonë të bëjë të kundërtën e asaj që thotë. transmeton KosovaNews.
Përmes një statusi në Facebook, ajo ka thënë se Hoti po iluminon me kotësi ekonomike.
“Sot na paska “nderuar” me iluminim nga kotësia ekonomike, ish ministri e ish kryeministri Hoti. “, ka shkruar Statovci në Facebook.
Sipas saj, fitimi i KEK nuk ka lidhje me tarifat. Çmimi i KEK për konsumatorët vendorë nuk ka ndryshuar asnjë cent. Fitimi vjen nga eksporti i energjisë dhe ulja e shpenzimeve.
“- Për më tepër, KEK duke deponuar mbi 250 GWh në Shqipëri, të cilat pastaj i kemi marrë gjatë dimrit, i ka kursyer qytetarëve të Kosovës rreth 50 milionë euro.
– Fitimin e realizuar gjatë vitit të kaluar, KEK po e shfrytëzon për të bërë investime që nuk janë bërë që 40 vite e që rrisin jetëgjatësinë e termocentraleve dhe sigurinë e furnizimit.”, ka shkruar Statovci në Facebook/KosovaNews/
