Deputetët e partive në pushtet dhe ata në opozitë, si dhe anëtarë të Qeverisë së Kosovës, shkëmbyen dje gjatë seancës së Kuvendit, akuza për dyshime të aferave korruptive dhe qasjen selektive për luftimin e tyre nga Prokuroria dhe ndërhyrjet politike në drejtësi.
Një ditë pas gjithë atyre përplasjeve, Lëvizja Vetëvendosje e ka publikuar një VIDEO ku shfaqen deklarata të shkurta të dhëna nga pozita e opozita e ku flitet për pazaret e bëra nga ish- pushtetarë për pozita e arrestime.
“Ish-ministrja tash deputetja e LDK-së, znj. Bajrami, tregoi javën e kaluar se si bëhej pazari për pozita institucionale ndër vite në Kosovë. Këtë javë, deputeti i PDK-së, z. Qalaj, tregoi shembullin konkret të asaj mendësie duke treguar se si është shkarkuar nga ish-ministri i Brendshëm dhe kryeministri i LDK-së pasi nuk kishte pranuar që si Drejtor i Policisë ta liroj kryetarin e një komune nga LDK-ja”, thuhet në publikimin e Vetëvendosjes në rrjetin social, e ku është dhënë edhe një VIDEO.
https://www.facebook.com/plugins/video.php?height=314&href=https%3A%2F%2Fwww.facebook.com%2Fvetevendosje%2Fvideos%2F225195446824950%2F&show_text=false&width=560&t=0
