Shefi i Kabinetit të presidentes Vjosa Osmani, Blerim Vela, ka thënë se Serbia rrejshëm është duke pretenduar se Kosova po organizon zgjedhje jodemokratike në katër komunat në veri të Kosovës.
Ai ka thënë se në përgatitjet që Komisioni Qendror i Zgjedhjeve (KQZ) është duke i bërë për zgjedhjet e 23 prillit, është duke marr pjesë edhe Lista Serbe.
Në një postim në rrjetin social Twitter, Vela ka paraqitur, siç ka thënë, disa fakte. Sipas tij në kohën kur “Serbia po përdor dhunë, intimidim, korrupsion dhe tani po ndërhyn në zgjedhje në veri të Kosovës, ajo po pretendon rrejshëm se institucionet Kosovës po organizojnë zgjedhje ‘jodemokratike’”.
Ai ka theksuar se institucionet e Kosovës kanë shtyrë zgjedhjet nga 22 dhjetori më 23 prill dhe se KQZ-ja e ka zgjatur afatin për regjistrimin e partive dhe kandidatëve nga 18 marsi më 22 mars. “Kandidatët dhe partitë serbe janë regjistruar për zgjedhjet e 23 prillit. Lista Serbe është e përfaqësuar dhe merr pjesë në KQZ, ku bëhen të gjitha përgatitjet për zgjedhjet e 23 prillit”, ka shkruar Vela në Twitter.
?? CEC extended the deadline for parties/candidates to register from Mar 18 to Mar 22
— Blerim Vela (@Blerim_Vela) April 18, 2023
?? Kosovo Serb parties & candidates have registered for April 23rd elections
?? Srpska Lista is represented & participating at CEC, where all electoral preparations are happening for April 23rd
