Mbrëmjen e sotme rikthehen emocionet e Ligës së Kampionëve, ku do të përcaktohen dy skuadrat e para gjysmëfinaliste.
Chelsea do të jetë mikpritës i Real Madridit në “Stamford Brigde”, ku do të ketë para vetes një mision të vështirë për ta përmbysur epërsinë e madrilenëve nga ndeshja e parë prej dy golave.
Ndeshje shumë interesante pritet edhe në stadiumin “Diego Armando Maradona”, ku Napoli i Amir Rrahmanit synon ta shkrijë epërsinë e Milanit nga ndeshja e parë (1:0).
Për kuqezinjtë shqetësuese mbetet sulmuesi Olivier Giroud, i cili vuan nga lëndimi, teksa tek Napoli i gëzohen rikthimit të sulmuesit Osimhen. Të dyja ndeshjet fillojnë në orën 21:00.
