Policia, zjarrfikësit dhe urgjenca kanë intervenuar të martën në mëngjes në oborrin e shkollës fillore “Faik Konica” në qendër të Prishtinës. Burime të KOHËS kanë bërë të ditur se ka pasur telashe me rrymë dhe se dyshohet se ka të lënduar, por që s’bëhet fjalë për lëndime të rënda.
Një dëshmitare ka thënë se dy fëmijë kanë pësuar lëndime të lehta.
Malë Gashi, ndihmëskomandant i zjarrfikësve në Prishtinë, ka thënë se ekipet janë në terren, por se ende nuk dihet se çka shkaktoi telashet.
Drejtoresha e shkollës ka thënë se është në Emergjencë e se aktualisht s’mund të deklarohet.
Policia ka thënë se nuk ka informata zyrtare për rastin.
