Kryeministri i Republikës së Kosovës, Albin Kurti, ka thënë se raporti i Bankës Botërore e rendit Kosovën të parën në rajon për pakon mbështetëse, në përballje me inflacionin dhe krizën energjetike.
“Për qytetarët e Republikës. Për Republikën e qytetarëve. Raporti i Bankës Botërore rendit Kosovën të parën në rajon me pakon më të madhe mbështetëse në përballje me inflacionin dhe krizën energjetike”, ka shkruar Kurti.
Ai ka publikuar edhe statistikat, ku përqindja e GDP-së për Kosovën është 4.3, në masat mbështetëse të familjeve në nevojë dhe për subvencionim të energjisë.
E dyta në këtë renditje është Bosnja dhe Hercegovina me 3.7%, pastaj Maqedonia e Veriut (2.8%), Shqipëria(1.9%) dhe Mali i Zi (1.2%).
