Policia e Kosovës ka dhënë detaje lidhur me rasti e vdekjes së një 5-vjeçari në Vushtrri, pasi dyshohet se kishte pësuar lëndime nga arma e zjarrit.
Në raportin 24 orësh të Policisë, thuhet se rasti ka ndodhur të shtunën, rreth orës 17:10.
“Nga Emergjenca e spitalit në Vushtrri jemi informuar se një fëmijë mashkull nga një fshat i Vushtrrisë është duke marrë tretman mjekësor, i cili dyshohet se është plagosur me armë zjarri”, thuhet në njoftim.
Sipas Policisë, si pasojë e lëndimit, rreth orës 18:35 viktima ka ndërruar jetë.
“Në vendin e ngjarjes është gjetur një predhë dhe një fishek si dhe në një distancë rreth 56 m larg nga vendi i ngjarjes është gjetur një armë pistoletë e cila është konfiskuar”, thuhet tutje.
Policia njofton se rasti është duke u hetuar.
