Juventusi dhe Interi kanë barazuar në ndeshjen e parë gjysmëfinale në Kupën e Italisë.
Rezultati pas 90 minutave të para ishte i barabartë 1:1 në “Allianz Stadium” në Torino,
Rëndësia e kësaj sfide ishte e madhe për dy ekipet në fushë, andaj në raste kishte edhe momente të tensionuara.
“Kulmi” i tensioneve erdhi pas përfundimit të ndeshjes kur futbollistët e dy skuadrave u përfshinë në një përleshje.
Gjyqtari kryesor, Massa ndëshkoi me karton të kuq, Romelu Lukakun, Samir Handanoviqin dhe Cuadradon.
Këtë dy të fundit në pamje u panë duke u kacafytur mesvete, ndërsa u desh intervenimi i futbollistëve të tjerë të qetësonin situatën.
Sa i përket lojës, realizator i golit për Juventusin ishte anësori, Juan Cuadrado i cili dërgoi topin në rrjetë në minutën e 83-të.
Baraspeshën dhe epilogun përfundimtar 1:1 e vendosi sulmuesi belg, Romelu Lukaku me golin e minutës së pestë shtesë nga penalltia.
Ndeshja e kthimit do të zhvillohet në stadiumin “Giuseppe Meazza” në Milano.
Më poshtë mund ta shikoni momentin
