Ministri i Mbrojtjes, Armend Mehaj ka thënë se me qëllim të vlerësimit dhe testimit të kapaciteteve të Kompanisë së Mekanizuar për të ekzekutuar operacione sulmuese dhe mbrojtëse në nivel togu dhe kompanie, Regjimenti i parë i Forcave Tokësore ka realizuar ushtrimin fushor “Iron Mike”.
Sipas ministrit Mehaj ky ushtrim ka kulmuar me ushtrimin final “Sulm në objektivë” i cili është realizuar me zjarr të drejtpërdrejt – LFX.
“Ky ushtrim është vlerësuar nga Vëzhgues-Kontrollues të Komandës së Doktrinës dhe Stërvitjes së bashku me ata nga ushtria amerikane (SATMO). Forca e Sigurisë së Kosovës krenaria jonë!”, ka shkruar ministri Mehaj.
