Kryeministri i Kosovës Albin Kurti ka thënë se nuk i ka ndryshuar qëndrimet në raport me të kaluarën e tij.
Kurti në RTV Dukagjini ka thënë se qëndrimet e së kaluarës kanë ndodhur në momentin kur LVV nuk kishte qenë subjekt garues në zgjedhje.
“Kur unë kam garuar në zgjedhje shumë probleme tashmë kanë qenë fakte. Nuk është e mundshme ta ndryshojë krejt çfarë dua realitetin edhe nëse nuk e dua asnjë milimetër atë”, tha ai.
Ai ka thënë se më mirë për Kosovën do të kishte qenë që ai të ishte kryeministër në vitin 2010, por sipas tij kjo më nuk mund të kthehet.
Kurti thotë se ai ka ndryshuar vetëm strategjinë derisa qëndrimet i ka të njëjta.
“Qëndrimin tim vetëvendosës nuk e ndryshojë asnjëherë, por tashmë jam kryeministër i vendit. Unë kam trashëguar një situatë që duhet ta menaxhoj në mënyrën më të mirë të mundshme. Nuk e kam shpallur pavarësinë që lë UÇK-në jashtë e as nuk e kam pranuar Planin e Ahtisaarit”.
