Policia e Kosovës ka dhënë sot edhe disa detaje lidhur me rastin, ku dy persona mbrëmë morën lëndime trupore.
Njëri dyshohet se ishte plagosur me armë zjarri e tjetri me thikë, në rrugën “Qamil Hoxha” në Prishtinë, nga tre të dyshuar, të cilët gjenden ende në arrati.
Në raportin 24 orësh të Policisë, thuhet se viktimat gjenden në Qendrën Klinike Universitare të Kosovës (QKUK) për tretman mjekësor.
“Dy meshkuj kosovarë janë dërguar në emergjencë pasi dyshohet se njëri ishte plagosur me amë zjarri dhe tjetri kishte lëndime nga mjeti i mprehtë thikë. Sipas tyre incidenti ka ndodhur pasi janë sulmuar nga tre të dyshuar meshkuj kosovarë të cilët pas sulmit janë larguar nga vendi i ngjarjes dhe gjenden në arrati. Viktimat gjenden në QKUK për tretman mjekësor dhe janë duke u siguruar nga njësitë policore”, thuhet në njoftim.
Tutje bëhet e ditur se rasti është duke u hetuar.
