Policia e Kosovës ka njoftuar se më 27 mars rreth orës 23:30 janë arrestuar 8 persona në rrugën “1 Tetori” në Prishtinë, pasi dyshohet se kanë kryer veprën penale “Organizim i bixhozit të kundërligjshëm”.
Nëpërmjet raportit 24-orësh, policia ka bërë të ditur se në vendin e ngjarjes janë gjetur dhe konfiskuar letra bixhozi si dhe çipa të cilët shërbejnë për të luajtur bixhoz.
“Janë arrestuar 8 të dyshuar meshkuj kosovarë pasi të njëjtit janë takuar duke luajtur bixhoz. Në vendin e ngjarjes në cilësi të provave materiale janë gjetur dhe konfiskuar letra bixhozi si dhe çipa të cilët shërbejnë për të luajtur bixhoz”, thuhet në raportin e policisë.
Ndërkaq, sipas njoftimit të policisë me vendim të prokurorit të dyshuarit janë liruar dhe rasti ka vazhduar në procedurë të rregullt.
