Kreu i Qeverisë së Malit të Zi, Dritan Abazoviq, ka realizuar vizitën e tij të parë në Beograd si shef i qeverisë malazeze. Ai është pritur nga homologia e tij, Ana Bernabiq, derisa pas saj e ka takuar edhe shefin e shtetit serb, Aleksander Vucic.
Pas takimit me Vuçiqin, Abazoviq ka njoftuar se kanë arritur një marrëveshje, dhe se nga 1 korriku nuk do të ketë më ndalesa për deputetët e Kuvendit të Malit të Zi nëpër kufijtë e Serbisë.
“Nga 1 korriku nuk do të ketë më ndalime për deputetë të Kuvendit të Malit të Zi gjatë hyrjes në Republikën e Serbisë. Faleminderit Aleksander Vucic për qasjen miqësore. Po hapim horizonte të reja për bashkëpunim në të ardhmen”, ka shkruar Abazoviq në twitter.
Od 1. jula više neće biti zadržavanja poslanika @SkupstinaCG prilikom ulaska u Republiku Srbiju. Hvala @avucic na prijateljskom pristupu. Otvaramo nove horizonte buduće saradnje. pic.twitter.com/zrQer6QrjW
— Dr Dritan Abazovic (@DritanAbazovic) June 29, 2022
