Kryeministri i vendit Albin Kurti i ka uruar të gjithë besimtarët me rastin e nisjes së muajit të Ramazanit.
Ky muaj i mëshirës dhe mirësisë, Kurti ka uruar që të sjellë paqe në shpirt e lumturi në zemrën e secilit.
“Bashkë me zgjerimin e kraharorit, të zgjerohet edhe sofra. Bashkë me iftaret, me bujari të shtrohen udhë të reja që bashkojnë në mirësi. Me bamirësi dhe në solidaritet me ata që kanë më pak. Me përkushtim ndaj Zotit, me mendje tek e mira e udhëzim kah e drejta. Me vullnet të fortë në rrugën e dashurisë e të dijes, për barazi e përparim të shoqërisë. Uroj të gjithë besimtarët e besimtaret muslimane për Ramazanin! Agjërim të lehtë e të pranuar. Paqja qoftë mbi ju!”, ka shkruar Kurti në urimin e tij.
Festa e Fitër Bajramit pason Muajin e Ramazanit, gjatë të cilit, sipas besimit Islam, besimtarët agjërojnë për 30 ditë, në shenjë sakrifice dhe përkushtimi ndaj Zotit.
