Policia e Kosovës njofton se ka identifikuar kundërvajtësin, i cili në zonën ku kufizimi i shpejtësisë është 40 km/h, drejtoi automjetin me shpejtësi prej 110 km/h dhe për këtë shkak i ka shqiptuar gjobë të ashpër.
Njësia e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollit të trafikut rrugor në rrugën nacionale Mitrovicë-Prishtinë në segmentin rrugor zona Vushtrri, gjatë matjes së shpejtësisë me radar ka identifikuar një veturë e cila ishte duke zhvilluar shpejtësi prej 110 km/h në zonën ku kufizimi i shpejtësisë është 40 km/h.
Bëhet e ditur se për këtë shkak ndaj kundërvajtësit është shqiptuar gjoba prej 500 euro, pesë(5) pikë negative si dhe masa mbrojtëse-ndalimi i drejtimit me mjet motorik prej një (1) viti.
