Kryeministri i vendit, Albin Kurti, do të takojë nesër të dërguarin amerikan për Ballkanin Perëndimor, Gabriel Escobar.
Zyra e Kryeministrit bën të ditur se ky takim pritet të zhvillohet me fillim nga ora 11:00.
“Kryeministri i Republikës së Kosovës, Albin Kurti pret në takim zëvendësndihmëssekretarin për Çështje Evropiane dhe Euroaziatike, Gabriel Escobar”, thuhet në njoftim.
Ndryshe, Escobar nesër pritet që të takohet edhe me presidenten e vendit, Vjosa Osmani, takim ky që do të nis në ora 09:00 dhe nga ora 10:20 do të takojë edhe kryeparlamentarin, Glauk Konjufca.
