Ministri i Mbrojtjes, Armend Mehaj e ka takuar sot ambasadorin e Mbretërisë së Bashkuar, Nicholas Abbott, me të cilin ka diskutuar rreth projekteve të cilat janë duke u realizuar dhe atyre që planifikohen për të ardhmen.
Përmes një postimi në Facebook, ministri Mehaj tha se takimin me ambasadorin Abbott e ka zhvilluar në kuadër të bashkëpunimit me partnerët tanë strategjik.
“Në kuadër bashkëpunimit me partnerët tanë strategjik, sot takova Ambasadorin e Mbretërisë së Bashkuar, Nicholas Abbott, me të cilin diskutuam rreth projekteve të cilat janë duke u realizuar dhe atyre që pritet të fillojnë, si dhe mundësisë së mbështetjes financiare nga qeveria britanike për projektet që planifikojmë t’i realizojmë në të ardhmen.
Mbesim të përkushtuar në bashkëpunimin e ngushtë me shtetet partnere me qëllim të ngritjes së kapaciteteve tona profesionale, operacionale dhe gjithë infrastrukturës së nevojshme për zhvillimin e ushtrisë së shtetit tonë”, ka shkruar ministri Mehaj.
