Kuvendi i Kosovës ka vazhduar seancën e sotme plenare, pas lëshimit të sallës nga deputetët e LDK-së e PDK-së. Pas një pritje, në sallë u mblodhën më shumë se 60 deputetë andaj edhe kishte kuorum të mjaftueshëm për votimin e projektligjeve.
Deri tani deputetët e pranishëm më shumicë votash miratuan disa projektligje.
Në seancën e së mërkurës në Kuvendin e Kosovës opozita ka lëshuar sallën për shkak se seanca filloi me një orë vonesë për shkak të mungesës së kuorumit.
Kuvendi kishte filluar punimet pasi kishte hequr nga rendi i ditës votimin e tri marrëveshjeve ndërkombëtare, por opozita e ka kritikuar për vonesë dhe zvarritje të rendit të ditës.
