Në seancën e së mërkurës në Kuvendin e Kosovës opozita ka lëshuar sallën për shkak se seanca filloi me një orë vonesë për shkak të mungesës së kuorumit.
Kuvendi kishte filluar punimet pasi kishte hequr nga rendi i ditës votimin e tri marrëveshjeve ndërkombëtare, por opozita e ka kritikuar për vonesë dhe zvarritje të rendit të ditës.
Aktualisht Kuvendi është në pritje dhe nuk dihet nëse vazhdon ose jo punimet seanca e sotme.
Kuvendi është duke pritur deputetët e pushtetit në mënyrë që ta bëjnë kuorumin për vazhdimin e seancës që është paraparë të nis në orën 12:00.
Në këtë seancë të sotme në rend dite ishin këto tri marrëveshje ndërkombëtare: Projektligjit për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë, votimi i Projektligjit për ratifikimin e Marrëveshjes së kredisë për Projektin -korniza e qyteteve të gjelbërta 2 dritarja 2 – efiçienca e energjisë në ndërtesa publike në Prishtinë, ndërmjet Republikës së Kosovës dhe Bankës Evropiane për Rindërtim dhe Zhvillim, dhe Votimi i Projektligjit për ratifikimin e Marrëveshjes së kredisë për Projektin-efiçienca e energjisë në ndërtesa publike në Prizren, ndërmjet Republikës së Kosovës dhe Bankës Evropiane për Rindërtim dhe Zhvillim.
