Një grua e moshës 65-vjeçare ka vdekur pasi është goditur nga një veturë në rrugën Prizren–Gjakovë.Lajmin për KALLXO.com e ka konfirmuar zëdhënësi i Policisë së Rajonit të Prizrenit, Shaqir Bytyqi.I njëjti ka thënë se aksidenti është raportuar se ka ndodhur rreth orës 18:50.
“Sot me datë 28.02.2023, rreth orës 18:50 është raportuar një aksident trafiku – goditje e këmbësorit me fatalitet. Rasti ka ndodhur në rrugën nacionale Prizren-Gjakovë saktësisht ne fshatin Piranë përball pompës. Sipas informatave të para viktima është e gjinisë femërore 65-vjeçare”- ka thënë ai.Sipas Bytyqit në vend të ngjarjes përveç Policisë kanë dalë edhe Prokurori i Shtetit dhe mjekët nga Instituti i Mjekësisë Ligjore.Ai ka thënë se lidhur me rastin një i dyshuar është dërguar në mbajtje për 48 orë.Zëdhënësi tha se i dyshimti (25-vjeçar) me urdhër të prokurorit ndalet në ndalim policor për 48 orë, ndërsa trupi i pajetë dërgohet në IML.
