Ministrja e Ekonomisë, Artane Rizvanolli, gjatë raportimit për punën e Ministrisë në vitin 2022 dhe planin e punës për vitin 2023, në Komisionin për ekonomi, si të arritur të vitit të kaluar e ka paraqitur uljen e kërkesës për energji elektrike deri në 4%.
Rizvanolli tha se Ministria e Ekonomisë për faturat e muajit shkurt në kuadër të zotimit për dhënien e 90 milionë eurove me qëllim të subvencionimit të faturave të qytetarëve dhe bizneseve, ministria ka dizborësuar për periudhën shkurt 2022 deri në janar 2023 mbi 89 milionë e si rezultat i kësaj është ariut që faturat e konsumatorëve dhe të bizneseve që shpenzojnë nën 800kë në muaj, të mos preken nga rritja e çmimit të energjisë vitin e kaluar.
“Ministria e ekonomisë për faturat gjatë muajit shkurt në kuadër të zotimit për dhënien e 90 milionë eurove për t’u subvencionuar faturat e qytetarëve dhe të bizneseve, ministria e ekonomisë ka dizborësuar për periudhën shkurt 2022 deri në faturat e janarit 2023 89 milion e 914 mijë e 937. 39 centë dmth si rezultat i kësaj kemi arritu qe faturat e konsumatorëve shtëpiak që shpenzojnë nën 800 kë në muaj të mos preken fare nga rritja e çmimit të energjisë vitin e kaluar si dhe të mos preken gjithashtu edhe bizneset”, tha ajo në Komision.
Ministrja Rizvanolli foli edhe për tri fushatat për vetëdijësimin e qytetarëve për kursimin e rrymës.
“Është punuar edhe për vetëdijësimin e qytetarëve për të kursyer energjinë elketikre. Kështu duke prezantuar tri fushata të reja për kursim të energjisë ku njëra prej tyre është fushatë ku janë vizituar shkolla në shtatë qytete të kosovës e që kanë diskutuar me nxënës se si të kursehet energjia.
Ndërkaq, Rizvanolli foli edhe për fushatën e vitit të kaluar e cila po vazhdon e në të cilën anëtarët e kabinetit qeveritar incizojnë video ku tregojnë se si ata e kursejnë energjinë ëlektrike
Ministrja shtoi se është zbatuar skema për subvencionim të kursimit si shtesë, d.m.th janë dy lloje të subvencionimit, ajo me anë të secilës është siguruar tarifa më e ulet për qytetarët dhe bizneset e cila nuk mund të shihet në faturë por ne kalkulatorin e KESKO-s, ku në linkun e kalkulatorit mund të shihet për çdo muaj se sa kanë përfituar.
Kurse skema tjetër është ajo për subvencionimin e kursimit e cila ka qenë shtesë ku për çdo kw/h të kursyer në krahasim me muajin e njëjtë të vitit të kaluar, qytetarët janë subvencionuar dy fish më shumë dhe si rezultat i të gjitha këtyreve masave është arritur që vitin e kaluar mesatarisht konsumatorët shtëpiak të ulin kërkesën për energji elektrike 4 %., raporton KosovaNews.
Ndër të tjerash, ajo tha se gjatë muajit të dimrit prej 4 deri më 15% ka shkuar niveli i kursimit, e secili kursim është në uljen e nevojës për importe që d.m.th kostoja e furnizimit të energjisë ka qenë më e ulët se sa që ka mundur të jetë në rastin nëse konsumi do të vazhdonte.
