Në kuadër të bashkëpunimit ndërkombëtar, respektivisht thellimit të partneritetit bilateral me Slloveninë në fushën e mbrojtjes dhe sigurisë, nga dje, atasheu kosovar i mbrojtjes në Gjermani, nënkolonel Besim Gashi, ka filluar angazhimin e tij zyrtar, në cilësi të atasheut jorezident në Slloveni.
Ministri i Mbrojtjes, Armend Mehaj me këtë rast tha se zgjerimi i rrjetit të atasheve të mbrojtjes në vendet partnere është ndër objektivat e Ministrisë së Mbrojtjes për fuqizimin e mëtejmë të diplomacisë sonë të mbrojtjes si shumë të rëndësishme në perspektivën zhvillimore të vendit në fushën e mbrojtjes dhe sigurisë.
