Kuvendi i Kosovës do të mbajë seancë plenare sot duke filluar nga ora 10:00.
Në rend dite sipas njoftimit për media është edhe propozimi i Grupit Parlamentar të Lëvizjes Vetëvendosje për zëvendësimin e anëtarëve në komisionet parlamentare.
E këtë e ka konfirmuar dje edhe vetë kryetari i Komisionit për Punë të Jashtme, Haki Abazi, i cili ka thënë se kryeministri ka urdhëruar shkarkimin e tij nga pozita e kryetarit dhe anëtarit nga Komisioni për Stabilizim-Asocim BE-Kosovë.
Po ashtu, Kuvendi sot voton në parim Projektligjin për plotësimin dhe ndryshimin e Ligjit për Këshillin e Pavarur Mbikëqyrës për Shërbimin Civil të Kosovës si dhe shqyrton projekt-rezolutën për faturat e tatimit në pronë.
Pikat e rendit të ditës:
1. Miratimi i procesverbaleve të seancave të mëparshme,
2. Deklarimet jashtë rendit të ditës,
3. Pyetjet parlamentare,
4. Propozimi i GP të LVV-së për zëvendësimin e anëtarëve në komisionet parlamentare,
5. Votimi në parim i Projektligjit nr.08/L-180 për plotësimin dhe ndryshimin e Ligjit Nr. 06/L-048 për Këshillin e Pavarur Mbikëqyrës për Shërbimin Civil të Kosovës,
6. Shqyrtimi i parë i Projektligjit nr.08/L-211 për verëra,
7. Shqyrtimi i Projekt-rezolutës për adresimin e çështjes së rritjes së faturave të tatimit në pronë.
