Ministrja e Tregtisë dhe Industrisë, Rozeta Hajdari ka publikuar një njoftim për regjistrimin dhe shuarjen e bizneseve për 5 vitet e fundit.
Ajo ka deklaruar se gjatë muajit janar të vitit 2023 në Agjencinë për Regjistrimin e Bizneseve ( ARBK) janë regjistruar 878 biznese të reja, kurse gjatë vitit 2022 gjithsejt janë regjistruar 11053 biznese të reja,shkruan KosovaNews.
Sipas saj, bizneset e reja të regjistruara gjatë vitit 2022 shënojnë numrin më të lartë të bizneseve të regjistruara që nga viti 2009 në Agjencinë për Regjistrimin e Bizneseve Kosovare.
“Poashtu, gjatë vitit 2022 janë shuar 1774 biznese, nga të cilat 278 kanë kaluar nga Biznesi Individual në Shoqëri me Përgjegjësi të Kufizuar ( SHPK), por që sipas ligjit përkatës në fuqi, bizneset që ndryshojnë llojin e biznesit, me automatizëm konsiderohen të shuara, por në realitet vazhdojnë veprimtarinë e tyre me status të ri SHPK, pra këtu hyjnë të gjitha rastet të cilat kanë ndryshuar status të veprimtarisë së tyre, ndërkaq rastet e tjera janë kryesisht të natyrës vullnetare. “
Më poshtë janë paraqitur të dhënat për regjistrimin dhe shuarjen e bizneseve për 5 vitet e fundit e poashtu edhe për muajin e parë të vitit 2023 të publikuara nga ministrja Hajdari/KosovaNews/
