Pjestarët e FSK-së edhe në orët e vona janë në operacion për mbështetjen e qytetarëve në vendbanimet e goditura nga përmbytjet
Përmes një postimi në facebook, ministri I mbrojtjes, Armend Mehaj ka thënë se situata me vërshime në vendin tonë është nën kontrolll, me gjithë vështirësitë në terren ushtarët tanë me sukses po iu dalin në ndihmë qytetarëve tanë.
Tutje Mehaj ka theksuar se tani gjindet në Mitrovicë, ku dhe është takuar me kryetarin e komunës, Bedri Hamza me të cilin kanë diskutuar për masat që duhet të ndërmarren.
Ai ka thënë se ka lajme të mira nga terreni ku niveli i ujit po bie dhe gjendja po qetësohet.
“Gjithashtu, forcat tona janë në ndihmë dhe dispozicion të qytetarëve në Skenderaj, Istog dhe Klinë, gjithashtu e njoftova kryetarin e Komunës së Junikut që në rast nevoje jemi në gatishmëri të plotë. Ushtria jonë është këtu për ju!”, ka shkruar Mehaj në Facebook.
