49 persona kanë vdekur të mërkurën si pasojë e një zjarri që kishte shpërthyer në një ndërtesë banimi në një qytet në Kuvajt. Është raportuar se 40 nga viktimat, por edhe shumica e të lënduarve janë shtetas të Indisë. Dy të tretat e popullsisë së Kuvajtit përbëhen nga punëtorët e huaj.
Në mesin e 49 personave që humbën jetën nga zjarri në një ndërtesë banimi në qytetin Mangaf, në Kuvajt, të paktën 40 prej tyre janë shtetas të Indisë. Kështu ka njoftuar Ministria e Jashtme e Kuvajtit. Të lënduar kanë mbetur të paktën 50 persona, poashtu shtetas të Indisë ndërsa të lënduar ka edhe shtetas nga Filipinet dhe Nepali. Zjarri fillimisht kishte përfshirë katet e poshtme të ndërtesës. Shumë nga viktimat kishin vdekur si pasojë e thithjes së tymit nga zjarri.
Shumica e viktimave janë nga shtetet jugore Kerala dhe Tamil Nadu të Indisë. Kryeministri I Indisë Narendra Modi u ka shprehur ngushëllimet e tij familjeve të viktimave.
Sipas medieve locale, në ndërtesën e përfshirë nga flakët kanë banuar 196 punëtorë dhe ka sygjerime se ndërtesa ishte e mbipopulluar.
Zëdhënësi i ministrisë së punëve të mbrendshme, gjenerali Eid-al-Oweihan ka thënë për televizionin shtetëror se për zjarrin është alaramuar në ora 6 të mëngjesit sipas kohët locale.
Dy të tretat e popullsisë së Kuvajtit përbëhet nga punëtorët e huaj ndërsa vendi është shumë i mvarur nga punëtorët migrant, sidomos në sektorin e ndërtimit dhe sektoret e brendshme.
Grupet për të drejtat e njeriut rregullisht kanë ngritur shqetësimet për kushtet e jetesës së këtyre punëtorëve të huaj që punojnë në vend.
