Numri i të vdekurve si pasojë e sulmit izraelit në kryeqytetin e Libanit, Bejrut, ka shkuar në 31, ka bërë të ditur të shtunën Ministria e Shëndetësisë e Libanit.
Në mesin e të vrarëve raportohet se janë edhe tre fëmijë.
Sulmi ajror ka ndodhur të premten, në një ndërtesë shumëkatëshe, në të cilën ishte shënjestruar njëri prej komandantëve kryesorë të grupit Hezbollah, i cili vepron në Liban, Ibrahim Aqil, raporton BBC.
Hezbollahu e ka konfirmuar se Aqil ka mbetur i vrarë në sulm, së bashku me disa pjestëarë të tjerë të grupit.
