Zyra Federale e Gjermanisë për Mbrojtjen e Kushtetutës e ka caktuar AfD si një organizatë ekstremiste të krahut të djathtë, duke përmendur qëndrimet ksenofobike si arsye.
Zyra Federale e Gjermanisë për Mbrojtjen e Kushtetutës të premten caktoi partinë e ekstremit të djathtë Alternativa për Gjermaninë (AfD) si një organizatë ekstremiste të cilësuar të krahut të djathtë që përbën një kërcënim për demokracinë dhe rendin kushtetues, shkruan euronews.
Bëhet e ditur se zyra përmendi qëndrimet ksenofobike të AfD-së mbi përkatësinë etnike si arsye për vendimin, për të cilin tha se ishte diskriminues ndaj gjermanëve jo-etnikë.
Në zgjedhjet e shkurtit, partia doli e dyta, pas CDU-së së qendrës së djathtë dhe përpara SPD-së së qendrës së majtë, dy partitë që do të formojnë qeverinë e re.
I njëjti vendim ishte tashmë në fuqi për disa seksione të partisë, përfshirë krahun e saj rinor.
Tani parlamenti gjerman mund të kërkojë që të shpërndahet e gjithë partia, gjë që më pas do të duhej të konfirmohej nga Gjykata Kushtetuese.
Megjithatë, ka shumë pak gjasa që kjo të ndodhë realisht.
