Presidentja e Kosovës, Vjosa Osmani, ka marrë pjesë në ceremoninë mortore të Papë Françeskut në Vatikan, duke i bërë homazhe liderit fetar të ndjerë.
Në një postim në rrjetet sociale, Presidentja Osmani shprehu ngushëllimet e saj, duke theksuar angazhimin e Papë Françeskut për paqen, dinjitetin njerëzor dhe solidaritetin ndërmjet popujve.
“Papë Françesku do të mbahet mend për angazhimin e tij për paqen, dinjitetin njerëzor dhe solidaritetin ndërmjet popujve,” shkroi Presidentja Osmani. “Trashëgimia e tij në përkushtimin ndaj të varfërve, mbrojtjes së të drejtave të njeriut dhe ndërtimit të urave të miqësisë ndërmjet kombeve do të jetojë gjatë.”
Presidentja Osmani u bashkua me liderë të tjerë nga e gjithë bota në ceremoninë e zhvilluar në Vatikan, duke nderuar kontributin e Papë Françeskut në promovimin e vlerave universale të paqes dhe humanizmit.
