Një foshnjë dy-muajshe u shpëtua nga rrënojat në provincën Hatay të Turqisë, 108 orë pas tërmetit vdekjeprurës, sipas ministrit turk të Shëndetësisë, Fahrettin Koca.
Ministri Koca postoi video të foshnjës në Twitter dhe tha se ai mbijetoi pavarësisht se ishte i uritur për orë të tëra. Foshnja ndodhet në Spitalin e qytetit të Adanas dhe tani është në gjendje të mirë shëndetësore, sipas ministrit.
Transmetuesi shtetëror turk tregoi gjithashtu një video të foshnjës duke buzëqeshur, duke thënë se ai ishte gjallë pas përpjekjeve të vështira për ta shpëtuar, raporton CNN, transmeton Klankosova.tv.
