Aktivisti nga radhët e Lëvizjes Vetëvendosje, Avni Zogiani ka reaguar lidhur me kritikat që ka dhënë sot deputeti i LDK-së, Avdullah Hoti, i cili mes tjerash shtronte edhe pyetjen “Si u katandisëm kështu?!”.
Në reagimin e tij Zogiani ka ironizuar, duke i bërë thirrje Qeverisë që ta shfrytëzoj mendjen e shkëlqyeshme të Hotit në të mirë të vendit.
“Ftoj Qeverinë ta shfrytëzojë këtë potencial, meqë ky nuk e ka pasur rastin t’i kontribuojë vendit me mendjen e shkëlqyeshme që ka!”, ka shkruar Zogiani, si përgjigje ndaj kritikave të Hotit.
Deputeti i LDK-së, Avdullah Hoti edhe sot në orët e mëngjesit ka lëshuar disa kritika ndaj ekzekutivit të vendit.
Ai ka radhitur disa çështje që sipas tij, gjatë qeverisjes së Kurtit, kanë ndikuar vetëm në shtrenjtimin e jetës së qytetarëve.
Duke përmendur rritjen e tatimit në pronë, çmimet e konsumit, rënien e rritjet ekonomike etj.
Ish- kryeministri Hoti është shprehur se nuk shihet asnjë ngjarje ku promovohet një fabrikë e re apo një projekt i ri.
“Si u katandisëm kështu?!”, pyet ai.
