Presidenti i Ukrainës, Volodymyr Zelensky, paralajmëroi qytetarët e tij se vendi po kalon “një nga momentet më të vështira” në historinë e tij.
Ky alarm vjen ndërkohë që Shtetet e Bashkuara po ushtrojnë një presion intensiv ndaj Kievit për të pranuar një plan paqeje prej 28 pikash, propozim ky që sipas tij përfshin lëshime të konsiderueshme karshi Rusisë.
Zelensky theksoi se Ukraina qëndron para një zgjedhjeje jashtëzakonisht të vështirë: “ose të humbasë dinjitetin, ose të rrezikojë humbjen e një partneri kyç”, një referencë e drejtpërdrejtë ndaj SHBA-së.
Ai paralajmëroi gjithashtu për pasojat e mundshme të një refuzimi: sipas tij, nëse Ukraina nuk pranon 28 pikat e propozuara, ajo mund të përballet me “një dimër jashtëzakonisht të vështirë”.
Në fjalimin e tij 10 minutësh drejtuar kombit ukrainas, Zelensky premtoi se do të punojë për “zgjidhje konstruktive” me SHBA-në dhe partnerë të tjerë, duke sugjeruar se është i gatshëm “të paraqesë argumente, të bindë dhe të ofrojë alternativa”. Por ai theksoi se nuk do të lejojë kurrë që të krijohet përshtypja sikur Ukraina nuk dëshiron paqe: “Kjo nuk do të ndodhë.”
Ai garantoi po ashtu se nuk do të tradhtojë vendin e tij dhe se interesi kombëtar ukrainas do të jetë udhërrëfyes: “Nuk do ta tradhtoj kurrë … Interesi kombëtar ukrainas duhet të merret në konsideratë”.
Zelensky apeloi për unitet kombëtar: “Tani është koha që qytetarët, politikanët, të gjithë, të bashkohemi, të ndalojmë lojërat politik”, tha ai.
Zelensky ka thënë se zyrtarët ukrainas do të punojnë përgjatë fundjavës dhe javës së ardhshme për të përmirësuar këtë plan, ashtu që në mesin e pikave të paktën dy të mos humbjen – “dinjiteti dhe liria e ukrainasve”.
Më tej, ai nënvizoi se do të punojë në ditët e ardhshme për ta përmirësuar planin e Trumpit, në mënyrë që “dinjiteti dhe liria e ukrainasve” të mos humben. “Gjithçka tjetër bazohet në këtë – në sovranitetin tonë, pavarësinë tonë, tokën tonë, njerëzit tanë. Dhe të ardhmen ukrainase”
Propozimi i SHBA-së prej 28 pikash po shihet si favor për Rusinë, përfshi lëshime territoriale, kufizim të ushtrisë ukrainase dhe heqje të perspektivës së anëtarësimit në NATO.
