Policia e Kosovës ka vazhduar me realizimin e planit operativ “Goditja”, teksa njofton se nga 8 gushti, në Mitrovicë janë arrestuar 9 persona, janë konfiskuar 7 armë zjarri dhe 12 thika.
Në njoftimin e Policisë, bëhet e ditur se plani operativ ka vazhduar së realizuari në kuadër të Drejtorisë Rajonale të Policisë në Mitrovicën e Jugut.
Si rezultat i angazhimeve të shtuara policore në teren, nga data 8 gusht 2023 e deri më sot janë realizuar:
- 303-patrulla policore;
- 238- pika kontrolli të automjeteve;
- 1397- vetura te kontrolluara;
- 2143 -persona të legjitimuar;
- 66- pika kontrolli me radar;
- 12- pika me alkooltest;
- 08- lokale të kontrolluara;
- 07 -armë zjarri të konfiskuara;
- 12- armë të ftohta (thika);
- 09- persona të arrestuar.
Angazhimet policore që burojnë nga plani operativ “Goditja” vazhdojnë të mbeten prioritet i ditëve ne vijim.
Ndër të tjera, policia i fton të gjithë ata që posedojnë, ose janë prezent në situata ku mund të ketë shkelje ligjore, dukuri tjera të ndaluara, ku shfaqen situata ku mund të rrezikohet jeta e qytetarëve, ta lajmërojnë policinë.
