Presidenca, së bashku me Qendrën Kosovare për Luftimin e Kancerit të Gjirit, ‘Jeta-Vita”, për të tretin vit radhazi, dhuruan pako onkologjike për gratë e prekura nga kanceri i gjirit gjatë “TetoriRozë”.
Presidentja Vjosa Osmani, në një postim në Facebook, tha se ky muaj rikujton rëndësinë e qëndrimit së bashku në luftën kundër kancerit të gjirit si dhe ofrimin e mbështetjes për të gjithë ato gra që kanë nevojë.
“Ky muaj na rikujton rëndësinë e qëndrimit së bashku në luftën kundër kancerit të gjirit, ndërgjegjësimit dhe ofrimit të mbështetjes për të gjithë ato gra që kanë nevojë të jemi me to në këtë përballje. Duke rritur ndërgjegjësimin dhe duke ofruar mbështetje, ne avokojmë për zbulimin e hershëm dhe sigurojmë që të gjitha gratë të marrin kujdesin e merituar”, ka shkruar Osmani në Facebook.
