Ushtruesi i detyrës së drejtorit të Institutit Albanologjik-Prishtinë, Dr. Naim Berisha, i shoqëruar nga sekretari shkencor, Dr. Adil Olluri, ka pritur në takim drejtoreshën e Institutit të Historisë “Ali Hadri”-Prishtinë, Dr. Teuta Shala-Peli, dhe drejtorin e Intitutit Pedagogjik-Prishtinë, Dr. Osman Buleshkaj.
Në këtë takim të frytshëm është diskutuar për çështjet e interesit të pëbashkët ndërinstitucional, sfidat e tashme dhe ato që i presin në ditët në vijim, si dhe për aktivitetet e përbashkëta,
“U zotuan për një bashkëpunim më të madh në sferën e bashkëorganizimeve të tryezave shkencore me rëndësi për tri institutet tona. Po ashtu, në këtë takim, drejtuesit e tri institucioneve kërkimore dhe shkencore, u zotuan për takime të sërishme, në të cilat do të harmonizohen raportet dhe qëndrimet e tri instituteve në fjalë lidhur me specifika të përbashkëta të rregullimit institucional dhe akademik”, thuhet në faqen zyrtare të Institutit Albanologjik.
