Njësia ukrainase e snajperëve “Duh” vendosi një rekord botëror për goditjen më të gjatë të konfirmuar me snajper nga një distancë prej 4,000 metrash.
Siç raportohet nga Kyiv Post dhe Defense Express, e shtëna u qëllua nga një pushkë vendase “Aligator” 14.5 mm, dhe një plumb goditi dhe vrau dy ushtarë rusë në Pokrovsk.
“E shtëna rekord u qëllua më 14 gusht 2025, duke përdorur Inteligjencën Artificiale nën drejtimin e një sistemi pa pilot me një pushkë Alligator të kalibrit 14.5 mm”, njoftoi gazetari ushtarak Yuri Butusov, së bashku me një video të vetë ngjarjes.
While Trump and Putin shook hands in Alaska, Ukrainians were doing what must be done.
— Euromaidan Press (@EuromaidanPress) August 16, 2025
On 14 August, a sniper, guided by AI and drone recon, set a new world record with a 4000m shot, eliminating two Russian soldiers on the Pokrovsk–Myrnohrad defensive line.
Video: Butusov/te pic.twitter.com/NULWcIDgS5
Ai shtoi se plumbi kaloi nëpër dritaren pas së cilës ndodheshin ushtarët rusë.
Të shtënat ndodhën në rajonin ku Moska ka vendosur rreth 110,000 trupa dhe ka shkelur linjat mbrojtëse të Ukrainës, por pala ukrainase tha se situata ishte nën kontroll.
Rekordi i mëparshëm mbahej gjithashtu nga Ukraina: një snajperist 58-vjeçar nga Shërbimi i Sigurisë së Ukrainës (SBU) goditi një objektiv nga një distancë prej 3,800 metrash duke përdorur pushkën “Lord of the Horizon”.
Ndryshe, “Alligator” është një pushkë vendase e prodhuar nga kompania XADO-Holding nga Kharkiv.
Ajo ka një kalibër prej 14.5 mm, një gjatësi tyte prej 1200 mm dhe një shpejtësi predhe deri në 1000 metra në sekondë.
Pesha e saj është rreth 25 kilogramë, gjë që konsiderohet normale për këtë lloj arme.
Media ukrainase raporton se katër kilometra nuk është rrezja maksimale e “Alligator”.
Plumbi i saj mund të udhëtojë deri në 7 kilometra, megjithëse saktësia në distanca të tilla mbetet një sfidë e madhe.
